काठमाडौं, ९ असार । राष्ट्रिय स्वतन्त्र पार्टी -रास्वपा) को महाधिवेशनअन्तर्गत ढिलो गरी सुरु भएको बन्दसत्र करिब चार घण्टामै सम्पन्न भएको छ ।
बन्दसत्रमा पार्टी सभापति रवि लामिछानेले प्रस्तुत गरेको राजनीतिक प्रतिवेदन र महामन्त्री कवीन्द्र बुर्लाकोटी को संगठनात्मक प्रतिवेदन पारित गरिएको छ ।
बन्दसत्रमा प्रधानमन्त्री तथा पार्टीका वरिष्ठ नेता बालेन्द्र शाह पनि सहभागी भएका थिए । सत्रपछि उनले रवि लामिछानेलाई अंकमाल गर्दै सौहार्दपूर्ण माहोल बनाएका थिए ।
बन्दसत्र लगत्तै रवि लामिछानेले पुनः सभापति पदका लागि उम्मेदवारी दर्ता गराएका छन् भने बालेन्द्र शाह उनका प्रस्तावक बनेका छन् ।
अन्य उम्मेदवारी नपरे उनी निर्विरोध निर्वाचित हुनेछन् । भोलि केन्द्रीय सदस्य तथा त्यसपछि पदाधिकारीको निर्वाचन हुने तालिका छ ।
