काठमाडौं, ९ असार । नेकपा एमालेले उपाध्यक्ष विष्णु पौडेलको पक्राउलाई प्रतिशोधपूर्ण, गैरन्यायिक र अपमानजनक भएको भन्दै कडा आपत्ति जनाएको छ ।
मंगलबार बसेको संसदीय दलको बैठकले पौडेललाई अपराधीजस्तो व्यवहार गरिएको निष्कर्ष निकाल्दै उनको तत्काल रिहाइको माग गरेको छ ।
एमाले प्रमुख सचेतक ऐन महरले पक्राउ कानुनी शासन र विधिको शासनविपरीत भएको दाबी गर्दै यस विषयमा संसदभित्र सशक्त रूपमा प्रस्तुत हुने निर्णय गरिएको जानकारी दिए ।
