काठमाडौं, ९ असार । नेपाली कांग्रेसका सभापति गगन थापाले क्रियाशील सदस्यता डिजिटल रूपमा अद्यावधिक नगर्ने व्यक्तिलाई पार्टीले सदस्यका रूपमा मान्यता नदिने बताएका छन् ।
झापामा आयोजित कार्यकर्ता भेलामा उनले नयाँ डिजिटल प्रणालीमा अद्यावधिक नभएका सदस्यको नाम वडा अधिवेशनदेखि माथिल्लो तहका निर्वाचन प्रक्रियामा समावेश नहुने स्पष्ट पारे ।
यो व्यवस्था कसैलाई निषेध गर्न नभई पार्टीलाई व्यवस्थित र विधिसम्मत बनाउन लागू गरिएको उनको भनाइ थियो।
हाल पूर्वसभापति शेर बहादुर देउवा र नेता शेखर कोईराला पक्षका केही नेताले सदस्यता अद्यावधिक नगरेको बताइएको छ ।
