काठमाडौँ, ६ असार । ललितपुरको बालकुमारी क्षेत्रमा लागुऔषध कारोबारीलाई पक्राउ गर्ने क्रममा प्रहरीले एक राउण्ड गोली चलाएको छ ।
लागुऔषध नियन्त्रण ब्यूरोका प्रमुख एसएसपी सुवासचन्द्र बोहोराका अनुसार ठूलो परिमाणको लागुऔषधसहित कारोबारीलाई नियन्त्रणमा लिने क्रममा गोली प्रहार गरिएको हो ।
घटनामा मानवीय क्षति भएको वा नभएको तथा बरामद लागुऔषधको परिमाणबारे विस्तृत विवरण आउन बाँकी रहेको प्रहरीले जनाएको छ । घटनाबारे थप अनुसन्धान भइरहेको छ ।
