चितवन, ६ असार । राष्ट्रिय स्वतन्त्र पार्टी -रास्वपा) को आइतबार चितवनमा हुने महाधिवेशनलाई लक्षित गर्दै जिल्ला सुरक्षा समितिले नेपाल प्रहरी, सशस्त्र प्रहरी, नेपाली सेना र राष्ट्रिय अनुसन्धान विभागको संयुक्त सुरक्षा योजना तयार गरेको छ ।
प्रमुख जिल्ला अधिकारी गणेश अर्यालका अनुसार महाधिवेशनमा सहभागी हुने विशिष्ट व्यक्तिहरू र सर्वसाधारणको सुरक्षाका लागि चारवटै सुरक्षा निकाय परिचालन गरिनेछ ।
सुरक्षा व्यवस्थापनमा ट्राफिक व्यवस्थापन र नारायणी पुल क्षेत्रलाई विशेष संवेदनशील मानिएको छ । रास्वपाले करिब १५ हजार सहभागी हुने अनुमान गरे पनि सुरक्षा निकायले त्योभन्दा बढी भीड हुन सक्ने आँकलन गर्दै तयारी गरेको जनाएको छ ।
पूर्व र पश्चिमबाट आउने सवारी साधनका लागि छुट्टाछुट्टै पार्किङ र ट्राफिक व्यवस्थापन योजना लागू गरिनेछ । महाधिवेशनमा सहभागी हुन कानुनमन्त्री सोविता गौतम, शिक्षामन्त्री सस्मित पोखरेल र कृषि तथा पशुपन्छीमन्त्री गीता चौधरी चितवन पुगिसकेका छन् । प्रधानमन्त्री बालेन्द्र शाहसहित अन्य मन्त्रीहरू पनि सहभागी हुने जनाइएको छ ।
