काठमाडौं, ३० जेष्ठ । प्रशिक्षार्थी तथा युवा चिकित्सकहरूले …जेनजी सरकार, जेनजी डाक्टरलाई न्याय देÚ भन्ने नारासहित माइतीघरमा प्रदर्शन गरेका छन् ।
उनीहरूले श्रम अधिकार, पारिश्रमिक, बिदा, मानसिक स्वास्थ्य र चिकित्सा शिक्षासम्बन्धी ७ बुँदे माग प्रस्तुत गरेका छन् । प्रदर्शनकारी चिकित्सकहरूले लामो समयसम्म काम गर्न बाध्य पारिएको, श्रम ऐनअनुसारका सेवा–सुविधा नपाएको तथा प्रशिक्षणका क्रममा विभिन्न समस्या भोग्नुपरेको बताएका छन् ।
उनीहरूले श्रम शोषण अन्त्य गरी सुरक्षित र सम्मानजनक कार्य वातावरण सुनिश्चित गर्न माग गरेका छन् ।
साथै, बजेटमार्फत घोषणा गरिएको तलबवृद्धि कार्यान्वयन गर्दै आवासीय चिकित्सकलाई अधिकृत आठौँ तहसरहको तलब साउनदेखि उपलब्ध गराउन र सातामा ४८ घण्टाभन्दा बढी काम गराए अतिरिक्त समयको भत्ता दिनुपर्ने माग गरेका छन् ।
