जनकपुर, ३० जेठ । चर्चित सेफ सन्तोष साह बैंकिङ कसुर सम्बन्धी आरोपमा पक्राउ परेका छन्।
उनलाई शुक्रबार राति जनकपुरबाट नियन्त्रणमा लिइएको हो। उपत्यका अपराध अनुसन्धान कार्यालय, टेकुले साह पक्राउ परेको पुष्टि गरेको छ।
धनुषा प्रहरी प्रमुख एसएसपी सन्तोष खड्काका अनुसार साहविरुद्ध बैंकिङ कसुरको मुद्दामा अनुसन्धान भइरहेको छ।
प्रहरीका अनुसार गैरीधारास्थित एक रेष्टुरेन्ट खरिद-बिक्रीको आर्थिक कारोबारका क्रममा विवाद उत्पन्न भएको हो।
साहले करिब १ करोड ३० लाख रुपैयाँमा रेष्टुरेन्ट खरिद गरे पनि सम्झौताअनुसारको केही रकम भुक्तानी नगरेको आरोप लागेको छ।
उक्त घटनासम्बन्धी थप अनुसन्धान जारी रहेको प्रहरीले जनाएको छ।
