काठमाडौं, ८ जेष्ठ । परराष्ट्र मन्त्रालयले भारतीय टी बोर्डको निर्देशिकाका कारण प्रभावित भएको नेपाली चियाको भारत निर्यात समस्या कूटनीतिक पहलपछि समाधान भएको जनाएको छ ।
मन्त्रालयका प्रवक्ता लोकबहादुर पौडेल क्षेत्री का अनुसार नयाँ दिल्लीस्थित नेपाली दूतावास र मन्त्रालयको समन्वयपछि भारतीय पक्षले निर्देशिका संशोधन गरेसँगै चिया निकासी सहज बनेको हो ।
मन्त्रालयले नेपाल–चीन परियोजना कार्यान्वयन संयन्त्रको तेस्रो बैठक जुनमा काठमाडौंमा हुने जानकारी पनि दिएको छ । साथै, कम्बोडिया, म्यानमारलगायत क्षेत्रमा अलपत्र परेका ६ सय ८७ नेपालीको उद्धार गरी स्वदेश फर्काइएको जनाएको छ ।
विदेशमा रहेका नेपालीलाई परामर्श र सहयोग उपलब्ध गराउन …मोफा मित्रÚ एप जेठ २२ गते सार्वजनिक गरिने तयारी रहेको मन्त्रालयले जनाएको छ ।
