काठमाडौं, ८ जेष्ठ । सभामुख डोलप्रसाद अर्यालले मुलुकको आवश्यकता र भविष्यका चुनौतीलाई सम्बोधन गर्ने गरी व्यावहारिक तथा प्रविधिमैत्री कानुन निर्माण गर्नुपर्ने बताएका छन्।
पूर्वसांसद मञ्चको कार्यक्रममा उनले पुराना र असान्दर्भिक कानुन संशोधन वा खारेज गर्न आवश्यक रहेको उल्लेख गरे ।
उनले सवारी चालक अनुमति पत्र -लाइसेन्स) सम्बन्धी कानुनी व्यवस्थाको आलोचना गर्दै लिखित परीक्षामा असफल भएपछि ९० दिन कुर्नुपर्ने व्यवस्था तथा उमेर र शैक्षिक योग्यतासम्बन्धी प्रावधान अव्यावहारिक भएको बताए ।
कानुन निर्माणमा सरोकारवालासँग पर्याप्त छलफल नहुने गरेको उल्लेख गर्दै उनले कार्यपालिका, व्यवस्थापिका र न्यायपालिकाबीच समन्वय र स्पष्ट नियत भए मात्र जनमुखी नतिजा हासिल हुने धारणा व्यक्त गरे ।
