काठमाडौं, ४ जेष्ठ । प्रतिनिधिसभा सदस्य महावीर पुनले औद्योगिक विकास र आर्थिक समृद्धिका लागि अनुसन्धान तथा नवप्रवर्तनलाई प्राथमिकतामा राख्न सरकारसँग माग गरेका छन् ।
विनियोजन विधेयकका सिद्धान्तमाथिको छलफलमा उनले कच्चा पदार्थ आयातमा सहुलियत दिनुपर्ने र तयारी सामान आयातमा निर्भरता घटाउनुपर्ने बताए ।
पुनले नेपालको कर नीति उद्योगमैत्री नभएको टिप्पणी गर्दै स्वदेशी उत्पादनका लागि आवश्यक कच्चा पदार्थमा चर्को भन्सार लाग्दा उद्योगहरू प्रतिस्पर्धी बन्न नसकेको बताए।
उनले बौद्धिक सम्पत्तिको संरक्षणका लागि व्यवस्थित …पेटेन्ट अफिसÚ स्थापना, आविष्कारकलाई अनुदान तथा नयाँ उद्यमीलाई सुरुवाती कर छुट दिनुपर्ने माग गरे ।
अनुसन्धानलाई बहुवर्षीय योजना र बजेटसँग जोड्नुपर्ने उल्लेख गर्दै उनले स्वदेशी प्रविधि र प्रतिभाको विकासबिना मुलुक आत्मनिर्भर बन्न नसक्ने बताए ।
