काठमाडौं, ३१ वैशाख । इन्धनसहित निर्माण सामग्रीमा भएको चर्को मूल्यवृद्धिको विरोध गर्दै नेपाल निर्माण व्यवसायी महासङ्घले सडक विभागमा धर्ना दिएको छ ।
महासङ्घ र एशोसिएट सदस्य समन्वय समितिले सरकारले मूल्यवृद्धिको समस्या सम्बोधन नगरेको भन्दै बिहीबार विरोध कार्यक्रम गरेका हुन् ।
निर्माण व्यवसायीहरूले मूल्यवृद्धिका कारण देशभरका आयोजना बन्द हुने अवस्थामा पुगेको बताएका छन् । उनीहरूले सडक विभागमा ध्यानाकर्षण पत्र बुझाउँदै सरकारको उदासीनताले काम अगाडि बढाउन नसकिएको गुनासो गरेका छन् ।
व्यवसायीहरूले सरकारले तत्काल समस्या समाधान नगरे निर्माणका काम थप प्रभावित हुने र आयोजनाहरू ठप्प पारिने चेतावनी दिएका छन् ।
