काठमाडौं, ३० चैत । नेकपाका अध्यक्ष केपी शर्मा ओलीको आज पित्तथैलीसम्बन्धी शल्यक्रिया हुँदैछ ।
ओलीलाई पूर्वनिर्धारित कार्यक्रमअनुसार अपरेसनका लागि सोमवार अपरेसन थिएटरमा लगिएको हो । चिकित्सक डा. पलेस्वाँ जोशी लाखेको नेतृत्वमा रहेको टोलीले उनको पित्तथैलीमा रहेको करिब २२ एमएमको पत्थरी निकाल्ने तयारी गरेको छ ।
यसअघि उनी जेनजी आन्दोलन दमनसँग सम्बन्धित आरोपमा पक्राउ परेका थिए र पक्राउपछिदेखि नै त्रिवि शिक्षण अस्पतालमा उपचाररत थिए । पछि सर्वोच्च अदालतको आदेशअनुसार अनुसन्धान समयमै नसकिएपछि उनलाई सर्तसहित रिहा गरिएको थियो ।
उनकी पत्नी राधिका शाक्यले गैरकानुनी हिरासतको दाबी गर्दै सर्वोच्च अदालतमा निवेदन दिएकी थिइन ्। अदालतले तोकेको समयसीमाभित्र अनुसन्धान नसकिएपछि ओलीलाई परिवारको जिम्मामा छाडिएको थियो । रिहा भए पनि स्वास्थ्य समस्याका कारण उनी अस्पतालमै बसिरहेका थिए र आज शल्यक्रिया गर्न लागिएको हो ।
