काठमाडौं, ६ चैत । राष्ट्रिय स्वतन्त्र पार्टी -रास्वपा) नयाँ सरकार गठनको तयारीमा जुटेको छ।
सभापति रवि लामिछाने, वरिष्ठ नेता बालेन्द्र शाह, डीपी अर्याल र स्वर्णिम वाग्लेबीच मन्त्रिपरिषद् गठनबारे छलफल भएको छ । रास्वपाका अनुसार चैत १३ गते बालेन शाहले प्रधानमन्त्रीको शपथ लिने तयारी छ ।
उनको नेतृत्वमा १८ सदस्यीय मन्त्रिपरिषद् बनाउने योजना रहेको छ । हालका २२ मन्त्रालयलाई घटाएर बढीमा १८ बनाउने र केही मन्त्रालय गाभ्ने वा मन्त्रीलाई दोहोरो जिम्मेवारी दिने विकल्पमा छलफल भइरहेको छ ।
रास्वपाले राज्यमन्त्री नराख्ने संकेत गरेको छ । चैत १२ गते सांसदहरूको शपथपछि संसदीय दलको बैठक बसेर बालेनलाई दलको नेता चयन गर्ने तयारी छ, जसको आधार पहिलेको राजनीतिक सहमति रहेको बताइएको छ ।
