जनकपुर, ६ चैत । आन्तरिक सरकारकी प्रधानमन्त्री शुशीला कार्कीले पहिलो पटक जानकी मन्दिर मा पुगेर पूजा–अर्चना गरेकी छन् ।
जनकपुर भ्रमणका क्रममा उनले विधिपूर्वक पूजा गर्दै देशमा शान्ति, समृद्धि र स्थायित्वको कामना गरिन् । प्रधानमन्त्री बनेपछि उनको यो पहिलो जनकपुर आगमन हो ।
मिथिला संस्कृतिको महत्वपूर्ण धार्मिक धरोहरका रूपमा चिनिने जानकी मन्दिरमा उनले केही समय बिताउँदै धार्मिक वातावरणको अनुभूति लिइन् ।
केपी खबरका सञ्चारकर्मी प्रवेश साहसँगको संक्षिप्त कुराकानीमा प्रधानमन्त्री कार्कीले मन्दिरमा पुग्दा आफूलाई गहिरो धार्मिक अनुभूति भएको बताइन् ।
यहाँ आउँदा धर्म भएको महसुस भयो, निकै राम्रो लाग्यो, उनले भनिन् । साथै, उनले मन्दिर परिसरको सरसफाइलाई निरन्तर कायम राख्नुपर्नेमा जोड दिँदै यस्तै सफा र व्यवस्थित वातावरण सधैं रहिरहोस भन्ने उनले बताईन ।
