कैलाली, ५ चैत । धनगढीस्थित कैलालीको गोदावरी नगरपालिका–४ अमलेशैनीमा एक पुरुषले घरायसी विवादका कारण श्रीमतीको हत्या गरेका छन् ।
३१ वर्षीय रामबहादुर मगरले जङ्गलमा बाख्रा चराउने क्रममा २८ वर्षीया श्रीमती संजिता मगरलाई भरुवा बन्दुकबाट गोली हानी हत्या गरेको प्रारम्भिक अनुसन्धानले देखाएको प्रहरीले जनाएको छ ।
घटनापछि उनले आफूमाथि पनि गोली चलाएका छन्। गम्भीर घाइते मगरको सेती प्रादेशिक अस्पतालमा उपचार भइरहेको छ भने उनी अझै होसमा आएका छैनन् ।
घटनाबारे थप अनुसन्धान जारी रहेको छ ।
