काठमाडौँ, ३ चैत । काठमाडौँमा आयोजित अभिमुखीकरण कार्यक्रममा राष्ट्रिय स्वतन्त्र पार्टी (रास्वपा) का उपसभापति स्वर्णिम वाग्ले ले हालैको निर्वाचनबाट प्राप्त “अभूतपूर्व” जनादेश जोगाउनु पार्टीको मुख्य चुनौती भएको बताएका छन् ।
उनले रास्वपाले पाएको जनमतलाई २०१५ सालको पहिलो आम निर्वाचनसँग तुलना गर्दै अहिलेको समर्थन ऐतिहासिक रहेको दाबी गरे । जनताले विकास र सुशासनका लागि स्पष्ट म्यान्डेट दिएको भन्दै त्यसअनुसार काम गर्नुपर्नेमा जोड दिएका छन् ।
वाग्लेले विगतका सरकारहरू आन्तरिक विवादका कारण अस्थिर बनेको उदाहरण दिँदै सांसदहरूलाई त्यस्ता कमजोरी दोहो¥याउन नहुने चेतावनी दिए । उनले स्थिरता, सुशासन र प्रभावकारी कार्यान्वयनमा ध्यान दिन आग्रह गरे ।
