काठमाडौं, २ चैत । अखिल नेपाल फुटबल संघ (एन्फा)ले छलफल नगरी चैत ३० गतेदेखि शहिद स्मारक ए डिभिजन लिग आयोजना गर्ने घोषणा गरेपछि क्लबहरु विरोधमा उत्रिएका छन् ।
आन्दोलनमा ए डिभिजनका ८, बी डिभिजनका ११ र सी डिभिजनका ३ क्लब छन् । वार्ता असफल भएपछि क्लबहरुले रिले अनशन सुरु गरेका छन्।
क्लबहरुले एन्फासँग सात बुँदे माग अघि सारेका छन् र सहमतिविपरीत निर्णय बदर गर्न दबाब दिइरहेका छन् । ए डिभिजन लिग १ हजार दिनभन्दा बढी समयदेखि नभएको छ ।
एन्फाले थ्रीस्टार र एपीएफबाहेक १३ क्लबलाई सहभागी गराउन पत्र पठाइसकेको छ । क्लब प्रतिनिधिहरुका अनुसार, खेलाडी, क्लब र एन्फाबीच त्रिपक्षीय सहकार्य बिना लिग सञ्चालन सम्भव छैन ।
