काठमाडौं, १ चैत । नेपाल आयल निगमले पेट्रोलियम पदार्थको मूल्य वृद्धि गरेको छ ।
निगमले आइतबार रातिदेखि लागू हुने गरी पेट्रोलमा प्रतिलिटर १५ रुपैयाँ तथा डिजेल र मट्टितेलमा प्रतिलिटर १० रुपैयाँका दरले मूल्य बढाएको जनाएको छ ।
निगमका अनुसार अन्तर्राष्ट्रिय बजारमा पेट्रोलियम पदार्थको मूल्य बढ्दै गएकाले नयाँ मूल्य समायोजन गर्नुपरेको हो ।
मूल्य समायोजनसँगै अब देशभर पेट्रोल, डिजेल र मट्टितेलको खुद्रा बिक्री मूल्य बढेको छ ।
