काठमाडौं, ३० फागुन । इराकको राजधानी बगदादस्थित अमेरिकी दूतावासमाथि मिसाइल प्रहार भएको छ ।
अन्तर्राष्ट्रिय सञ्चारमाध्यमका अनुसार एउटा मिसाइल दूतावास भवन नजिक ठोक्किँदा धुवाँ निस्किएको देखिएको थियो।
केही रिपोर्टमा मिसाइल दूतावास परिसरभित्र रहेको हेलिप्याडमा खसेको उल्लेख गरिएको छ भने अन्य स्रोतले ड्रोन आक्रमण भएको दाबी गरेका छन् ।
घटनाबाट भएको क्षतिको पूर्ण विवरण भने सार्वजनिक भइसकेको छैन । बगदादमा इरान समर्थित दुई लडाकु मारिएको खबर आएलगत्तै यो आक्रमण भएको बताइएको छ ।
