काठमाडौं, २३ फागुन । राष्ट्रिय स्वतन्त्र पार्टी (रास्वपा) प्रत्यक्ष र समानुपातिक सिट जोड्दा प्रतिनिधिसभामा करिब दुई तिहाइ नजिक पुगेको देखिएको छ।
हालसम्म रास्वपाले प्रत्यक्षतर्फ ५५ सिट जितिसकेको छ भने ६६ क्षेत्रमा अग्रता लिएको छ। यस आधारमा प्रत्यक्षतर्फ करिब १२१ सिट जित्ने सम्भावना देखिएको छ।
समानुपातिकतर्फ करिब ८ लाख मत गणना हुँदा रास्वपाले करिब ४ लाख ११ हजार (झण्डै ५१ प्रतिशत) मत पाएको छ। त्यस्तै कांग्रेसले करिब १७ प्रतिशत र नेकपा एमालेले करिब १३ प्रतिशत मत पाएका छन्।
हालको अनुपात कायम रहेमा रास्वपाले समानुपातिकतर्फ पनि करिब ६१–६२ सिट पाउने अनुमान गरिएको छ। यसरी प्रत्यक्ष र समानुपातिक जोड्दा रास्वपा प्रतिनिधिसभामा दुई तिहाइ बहुमत नजिक पुग्ने आकलन गरिएको छ।
