काठमाडौँ, २० फागुन । राष्ट्रिय सुरक्षा परिषद् को बैठकले प्रतिनिधिसभा सदस्य निर्वाचनलाई निष्पक्ष, भयरहित, शान्तिपूर्ण र त्रुटिरहित ढङ्गबाट सम्पन्न गर्न आवश्यक सम्पूर्ण सुरक्षा व्यवस्था मिलाइएको निष्कर्ष निकालेको छ ।
सुशीला कार्कीको अध्यक्षतामा सिंहदरबारमा बसेको बैठकले निर्वाचन सुरक्षा तयारीको समीक्षा गर्दै शान्तिसुरक्षा कायम गर्न सुरक्षा निकायलाई थप प्रभावकारी र समन्वयात्मक रूपमा परिचालन गर्ने निर्णय गरेको रक्षा मन्त्रालयका सचिव केदारनाथ शर्माले जानकारी दिए ।
बैठकमा राष्ट्रिय, क्षेत्रीय तथा अन्तर्राष्ट्रिय घटनाक्रमले राष्ट्रिय सुरक्षामा पार्न सक्ने प्रभाव र भावी रणनीतिबारे पनि छलफल भएको थियो । बैठकमा अर्थ, गृह, परराष्ट्र, श्रममन्त्री, मुख्यसचिव तथा प्रधानसेनापति सहभागी थिए ।
