एजेन्शी, इजरायलले लेबनानको राजधानी बेरुत तथा दक्षिणी क्षेत्रमा गरेको आक्रमणमा कम्तीमा ३१ जनाको मृत्यु भएको छ भने १४९ जना घाइते भएका छन् ।
लेबनानी स्वास्थ्य मन्त्रालयका अनुसार मृतक संख्या प्रारम्भिक हो र बढ्न सक्ने सम्भावना छ । आक्रमणअघि इजरायलले लेबनानका ५० भन्दा बढी शहर र गाउँका बासिन्दालाई घर खाली गर्न चेतावनी दिएको थियो ।
इजरायली सेनाले हेजबुल्लाहबाट भएको मिसाइल र ड्रोन प्रहारको जवाफमा लक्षित आक्रमण गरिएको दाबी गरेको छ । हेजबुल्लाहले पनि लेबनानबाट इजरायलतर्फ मिसाइल र ड्रोन प्रहार गरेको पुष्टि गरेको छ ।
