काठमाडौं, १८ फागुन । चुनावी ‘हटस्पट’ मानिएका झापा–५ र सर्लाही–४ मा सम्भावित जोखिमलाई मध्यनजर गर्दै विशेष सुरक्षा व्यवस्था कडाइ गरिएको छ ।
प्रहरी प्रधान कार्यालयका अनुसार हेभिवेट उम्मेदवारबीचको तीव्र प्रतिस्पर्धाका कारण सुरक्षा चुनौती बढेपछि थप प्रहरी परिचालन गरिएको हो ।
यी क्षेत्रमा सादा पोशाकका प्रहरीमार्फत सूचना संकलन तीव्र बनाइएको छ भने थप प्रहरी टोली, सशस्त्र प्रहरी बल, सशस्त्र निर्वाचन प्रहरी र नेपाली सेनाको सहयोग पनि परिचालन गरिएको छ । झापामा ७७८ जना र सर्लाहीमा ७९२ जना नेपाल प्रहरी खटाइएको छ ।
मौन अवधिमा हुनसक्ने चलखेल रोक्न उच्च सतर्कता अपनाउन निर्देशन दिइएको प्रहरी स्रोतले जनाएको छ ।
