काठमाडौँ, १८ फागुन । प्रधानमन्त्री सुशीला कार्कीले प्रतिनिधिसभा सदस्य निर्वाचन र समसामयिक विषयमा राष्ट्रका नाममा सम्बोधन गर्ने तयारी गरेकी छन् ।
प्रधानमन्त्रीका प्रेस सल्लाहकार राम रावलका अनुसार सम्बोधन आजै प्रत्यक्ष प्रसारण वा रेकर्डिङमार्फत सार्वजनिक गर्नेबारे छलफल भइरहेको छ ।
गत भदौमा भएको जेनजी आन्दोलनपछि रामचन्द्र पौडेलले भदौ २७ मा कार्कीलाई प्रधानमन्त्री नियुक्त गरेका थिए । उनलाई ६ महिनाभित्र निर्वाचन सम्पन्न गराउने प्रमुख जिम्मेवारी दिइएको थियो ।
