एजेन्सी । इरान ले आइतबार बिहान मध्यपूर्वमा नयाँ चरणको हवाई आक्रमण सुरु गरेको छ । सीएनएन का अनुसार विभिन्न देशका राजधानी र प्रमुख सहरमा विस्फोटको आवाज सुनिएको छ ।
तास्मिन न्यूज एजेन्सी ले इरानको इस्लामिक रिभोलुशनरी गार्ड कप्र्स (IRGC) ले इजरायल र मध्यपूर्वस्थित अमेरिकी अड्डामाथि छैटौँ चरणको मिसाइल तथा ड्रोन आक्रमण गरेको जनाएको छ । इजरायल ले इरानबाट प्रहार भएका मिसाइल पहिचान गरी रक्षात्मक प्रणाली सक्रिय गरिएको बताएको छ ।
मध्य र दक्षिण इजरायलमा लगातार साइरन बजेका थिए । दुबई मा पनि विस्फोटको आवाज सुनिएको र जेबेल अली पोर्ट क्षेत्रमा ड्रोन अवरोधपछि आगलागी भएको जनाइएको छ ।
दोहा मा विस्फोट हुँदा १६ जना घाइते भएका छन् । बहराइन को मनामा मा पनि धुवाँ देखिएको छ । एर्बिल विमानस्थल नजिक विस्फोट भएपछि कालो धुवाँ उठेको बताइएको छ ।
यी घटनाले मध्यपूर्वमा क्षेत्रीय तनाव थप चर्किएको संकेत गरेका छन् ।
