काठमाडौँ, १४ फागुन । राजावादी अभियन्ता तथा व्यवसायी दुर्गा प्रसाईंले फागुन १६ गतेभित्र काठमाडौँमा उपस्थित हुन देशभरका सर्वसाधारणलाई आह्वान गरेका छन् ।
सामाजिक सञ्जालमार्फत उनले राजपरिवारका सदस्यहरू राष्ट्र, धर्म र नागरिकको हितका लागि सडकमा उत्रिने तयारीमा रहेको दाबी गरे ।
राष्ट्र र धर्मको रक्षा साझा जिम्मेवारी भएको उल्लेख गर्दै उनले सबैलाई एकजुट भई आन्दोलनमा सहभागी हुन अनुरोध गरेका छन् ।
