काठमाडौँ, १४ फागुन । गगनकुमार थापाले निर्वाचन संविधानलाई सही मार्गमा राख्न अनिवार्य भएको बताएका छन् ।
बिहीवार सुर्खेतमा आयोजित चुनावी सभालाई सम्बोधन गर्दै नेपाली कांग्रेसका सभापति थापाले चुनाव कुनै दलको योजना नभई वर्तमान परिस्थितिको बाध्यता भएको स्पष्ट पारे ।
उनले परिणामको चिन्ता नगरी निर्वाचनलाई सफल बनाउन पार्टी प्रतिबद्ध रहेको बताए । साथै, निर्वाचनबारे फैलाइएका भ्रम चिर्दै तोकिएकै समयमा मतदान सम्पन्न गराउन सरकारलाई पूर्ण साथ दिने प्रतिबद्धता व्यक्त गरे।
आगामी दिनमा आन्दोलन र विध्वंश दोहोरिन नदिने प्रतिज्ञा पनि उनले गरे ।
