जनकपुर, १० फागुन । धनुषा निर्वाचन क्षेत्र नं. ४ मा प्रतिनिधिसभा निर्वाचनको माहोल दिनप्रतिदिन तातिँदै गएको छ ।
निर्वाचन नजिकिँदै जाँदा उम्मेदवारहरू जनताको घरदैलोमा पुगेर मतदाता भेटघाटलाई तीव्र बनाइरहेका छन् । महेन्द्र यादव नेपाली कांग्रेसका तर्फबाट प्रतिनिधिसभा उम्मेदवारका रूपमा मैदानमा छन् ।
उनी हाल घरदैलो अभियान तथा मतदाता भेटघाटमा व्यस्त देखिएका छन् । यसै क्रममा उनले क्षीरेश्वरनाथ नगरपालिका अन्तर्गत वार्ड नं. ४ मा घरदैलो अभियान सञ्चालन गरेका छन् । 
घरदैलोका क्रममा स्थानीय बासिन्दासँग प्रत्यक्ष संवाद गर्दै उम्मेदवार यादवले विकास, रोजगारी, शिक्षा, स्वास्थ्य र सुशासनलाई आफ्नो प्रमुख एजेन्डा बनाउने प्रतिबद्धता व्यक्त गरेका थिए ।
स्थानीयवासीहरूले भने नेपाली कांग्रेसका उम्मेदवारलाई जिताउने प्रतिबद्धता जनाउँदै यसपटक परिवर्तनको पक्षमा मतदान गर्ने बताएका छन् ।
अभियानमा नेपाली कांग्रेसका क्षेत्रीय सभापति कुमरकान्त झा, जिल्ला सभापति योगेन्द्र पजियार, पूर्व मन्त्री शेष नारायण यादव, कांग्रेस नेता सन्तोष यादव तथा चन्द्रमोहन यादवलगायतका नेता तथा कार्यकर्ताहरू निरन्तर सक्रिय छन् ।
उनीहरूले घरदैलो अभियानमार्फत पार्टीको नीति, सिद्धान्त र उम्मेदवारको दृष्टिकोण जनतासम्म पु¥याइरहेका छन् । स्थानीयस्तरमा देखिएको जनसहभागिता र उत्साहले धनुषा–४ मा निर्वाचन प्रतिस्पर्धा थप रोचक बन्दै गएको देखिन्छ ।
