झापा, ४ फाल्गुन । राष्ट्रिय स्वतन्त्र पार्टीका वरिष्ठ नेता तथा झापा–५ का उम्मेदवार बालेन्द्र शाह बालेनले काठमाडौँको फोहोर व्यवस्थापन र सुकुम्बासी समस्या समाधानमा अन्तर्राष्ट्रिय स्तरको चलखेल र बाह्य दबाब रहेको दाबी गरेका छन् ।
झापा–५ मा मतदातासँगको संवादमा उनले काठमाडौँ महानगरको नेतृत्व गर्नु प्रधानमन्त्री हुनुभन्दा कम चुनौतीपूर्ण नरहेको बताए । सुकुम्बासी बस्तीमा बस्ने धेरै व्यक्ति वास्तविक सुकुम्बासी नभई राजनीतिक संरक्षणमा रहेको उनको भनाइ थियो ।
उनले सुकुम्बासी व्यवस्थापनका लागि भूमि आयोगसँग सम्झौता भए पनि राजनीतिक अस्थिरताका कारण कार्यान्वयन हुन नसकेको बताए। बालेन एक हप्ता लामो मधेस र बागमती भ्रमणपछि झापा फर्केर घरदैलो अभियानमा जुटेका छन् ।
