काठमाडौं, १ फाल्गुन । प्रधानमन्त्री सुशीला कार्कीले आगामी निर्वाचनको तयारी र हिमाली जिल्लाको वस्तुस्थितिबारे बुझ्न ताप्लेजुङको पाथीभरा र फुङलिङमा स्थानीय बासिन्दा तथा सरकारी अधिकारीहरूसँग अन्तक्र्रिया गरेकी छन् ।
पाथीभरा दर्शनपछि प्रधानमन्त्री कार्कीले मतदानमा सक्रिय सहभागिता जनाउन आग्रह गर्दै यसपटकको निर्वाचन देशको भविष्यसँग जोडिएको निर्णायक चुनाव भएको बताइन्।
फुङलिङमा भएको छलफलमा निर्वाचन तयारी, सुरक्षा अवस्था र भौगोलिक चुनौतीबारे जानकारी गराइएको थियो । अधिकारीहरूका अनुसार ताप्लेजुङमा ९० हजार ३२७ मतदाता रहेका छन् र दुई अस्थायीसहित ८२ मतदानस्थल तोकिएका छन्, जसमध्ये चार मतदानस्थल हिमाली तथा विकट क्षेत्रमा छन् ।
मौसम प्रतिकूल भएमा समस्या आउन सक्ने भन्दै मतपेटिका हेलिकप्टरमार्फत ओसार्ने तयारीको आवश्यकता औंल्याइएको छ ।
प्रधानमन्त्री कार्कीले निर्वाचनलाई शान्ति, सुरक्षा, स्वच्छता र मितव्ययिताका हिसाबले भविष्यका लागि उदाहरणीय बनाउन निर्देशन दिँदै दुई दिने भ्रमण सकेर काठमाडौं फर्किएकी छन् ।
