जनकपुरमा हत्या आशंका गरिएको शव फेला, पहिचान खुल्न बाँकी

जनकपुर, २८ माघ । जनकपुर उपमहानगरपालिका–१७ तेतरिया क्षेत्रमा एक जना लैंगिक तथा यौनिक अल्पसंख्यक व्यक्तिको शव फेला परेको छ ।

स्थानीयले सडक छेउमा शव देखेपछि प्रहरीलाई जानकारी गराएका थिए । प्रहरी टोली घटनास्थलमा पुगेर प्रारम्भिक अनुसन्धान थालेको छ ।

शवको अवस्था हेर्दा हत्या गरिएको आशंका गरिएको प्रहरीले जनाएको छ । यद्यपि, घटनाको यथार्थ कारण खुल्न बाँकी रहेको र थप अनुसन्धान भइरहेको छ ।