वीरगञ्ज, २७ माघ । वीरगञ्जको आदर्शनगरस्थित अवैध गोदाममा छापा मार्ने क्रममा सशस्त्र प्रहरीमाथि आक्रमण गर्ने चार जनालाई प्रहरीले पक्राउ गरेको छ ।
भन्सार कार्यालय र सशस्त्र प्रहरीको संयुक्त टोलीमाथि भएको आक्रमणमा तीन जना सशस्त्र प्रहरी घाइते भएका थिए भने दुई सवारीसाधनमा क्षति पुगेको थियो ।
घटनामा संलग्नहरूमाथि सिसीक्यामेरा फुटेजका आधारमा अनुसन्धान भइरहेको प्रहरीले जनाएको छ ।
