काठमाडौं, २६ माघ । नेकपा (एमाले) का अध्यक्ष केपी शर्मा ओलीले नेपालमै उत्पादन हुने ग्यासलाई पाइपमार्फत घरघरमा पु¥याउने योजना सम्भव रहेको बताएका छन् ।
सोमबार झापामा घरदैलो अभियानका क्रममा उनले दैलेखमा ग्यास उत्खनन पुनः सुरु गर्नुपर्नेमा जोड दिए । दैलेखबाट ग्यास निकाल्न थालिएपछि विदेशबाट आयात गर्न नपर्ने र सिलिन्डरको आवश्यकता नहुने ओलीको भनाइ छ ।
उनले ग्यासलाई ट्यांकीमा भण्डारण गरी पाइपमार्फत वितरण गर्न सकिने बताए । यसअघि दिएको गुइँठा बाल्ने अभिव्यक्तिप्रति स्पष्टिकरण दिँदै ओलीले आफूले कसैको अपमान गर्न नखोजेको र अब दाउरा होइन, बिजुलीतर्फ जानुपर्ने बताए ।
ओली हाल झापा–५ मा प्रतिनिधिसभा सदस्यका उम्मेदवारका रूपमा घरदैलो अभियानमा छन् ।
