अदालतको आदेशपछि वृद्ध हत्या आरोपित जेल चलान

ललितपुर, २५ माघ । ललितपुरमा ८३ वर्षीय वृद्ध गर्जमान थापाको हत्या प्रकरणमा पक्राउ परेका तीन जना भारतीय नागरिकलाई अदालतले पुर्पक्षका लागि जेल चलान गरेको छ ।

ललितपुर जिल्ला अदालतका न्यायाधीश टेकराज जोशीको इजलासले उनीहरूलाई नख्खु कारागार पठाउने आदेश दिएको हो । उनीहरू भारतको बिहार राज्यका विभिन्न स्थानका बासिन्दा रहेको प्रहरीले जनाएको छ । घटनाबारे थप अनुसन्धान अघि बढिरहेको छ ।