काठमाडौं, २४ माघ । नेपाल–भारत सीमा सुरक्षा बैठकमा सहभागी भइरहेका बेला सशस्त्र प्रहरी बलका उपरीक्षक (एसपी) राजेश घिमिरेको निधन भएको छ ।
शुक्रबार दिउँसो मोरङको विराटचोकमा आयोजित बैठकका क्रममा बेहोस भएर ढलेका उनलाई उपचारका लागि विराट शिक्षण अस्पताल लगिएको थियो, जहाँ उपचारकै क्रममा राति चिकित्सकले मृत घोषित गरेका हुन् ।
अस्पतालका अनुसार उच्च रक्तचापका कारण उनी ढलेका थिए । मकवानपुर सरुवा भई शनिबार नयाँ कार्यक्षेत्र जाने तयारीमा रहेका घिमिरेको असामयिक निधनप्रति सशस्त्र प्रहरी बल तथा सुरक्षा निकाय शोकमा छन् ।
