जनकपुर, २३ माघ । धनुषा जिल्लामा निर्वाचन आचारसंहिता उल्लङ्घन नहुने गरी कडाइका साथ पालन गरिने निर्णय भएको छ ।
उल्लङ्घन भएमा सचेत गराउने, सामग्री जफत गर्ने, स्पष्टीकरण सोध्ने, एक लाख जरिवाना गर्ने वा उम्मेदवारी खारेज गर्ने व्यवस्था रहेको छ ।
सहायक प्रमुख जिल्ला अधिकारी कृष्ण गैरे र कोष तथा लेखा नियन्त्रण कार्यालय प्रमुख बुद्धराम मल्ललाई अनुगमन अधिकृत तोकिएको छ ।
मुख्य निर्वाचन अधिकृत सुभाषबाबु पुरीले उल्लङ्घनले दल र उम्मेदवार दुवैलाई नोक्सान पुग्ने बताए । प्रमुख जिल्ला अधिकारी प्रेमप्रसाद लुइँटेलले माघ २१ गतेदेखि नेपाली सेना परिचालन हुने जानकारी दिए ।
