घर अगाडि गरेको पार्किङको झडपमा केपीचन्द राउतको मृत्यु

वीरगञ्ज, २३ माघ । वीरगञ्ज महानगरपालिका–१३ मा मोटरसाइकल पार्किङको विषयलाई लिएर भएको विवादमा एक जनाको मृत्यु भएको छ ।

घर अगाडि मोटरसाइकल पार्क नगर्न आग्रह गर्दा सुरु भएको झडपमा गम्भीर घाइते भएका केपीचन्द राउतको उपचारका क्रममा मृत्यु भएको पर्सा प्रहरीले जनाएको छ ।

घटनामा संलग्न भएको आरोपमा प्रसौनी निवासी अर्जुन यादवलाई प्रहरीले पक्राउ गरी थप अनुसन्धान गरिरहेको छ ।