काठमाडौ, २३ माघ । राष्ट्रियसभाको बैठकको शून्य समयमा सांसदहरूले स्वास्थ्य बीमा कार्यक्रम, विधायन प्रक्रिया, संसद भवन पुनर्निर्माण र स्वास्थ्य सुरक्षासम्बन्धी विषयमा सरकारसँग जवाफ माग गरेका छन् ।
सांसदहरूले स्वास्थ्य बीमा कार्यक्रमलाई व्यवस्थित र प्रभावकारी बनाउन, बीमाको रकम नपाएको गुनासो समाधान गर्न तथा बजेट अभावका कारण कार्यक्रम प्रभावित भएको विषयमा सरकारको ध्यानाकर्षण गराएका हुन् ।
त्यसैगरी भारतमा निपाह भाइरस फैलिँदै गएकाले खुला सीमाका कारण नेपालमा जोखिम बढ्न सक्ने भन्दै आवश्यक सतर्कता अपनाउन माग गरिएको छ ।
साथै चालु वर्ष पेश गरिने भनिएका विधेयकको मस्यौदा अवस्था र नयाँ बानेश्वरस्थित संसद भवन पुनर्निर्माणको प्रगतिबारे पनि सरकारले सदनलाई जानकारी दिनुपर्ने सांसदहरूको माग छ ।
