चितवन, २२ माघ । राष्ट्रिय स्वतन्त्र पार्टी (रास्वपा) का सभापति रवि लामिछानेले सिङ्गो देशले पाएको दुखको अगाडि आफ्नो पीडा केही नभएको बताएका छन् ।
चितवनमा बिहीबार आयोजित कार्यक्रममा उनले देशको पीडा समाधानमा केन्द्रित भएर काम गर्ने प्रतिबद्धता व्यक्त गरे ।
लामिछानेले राजनीतिक द्वन्द्व वा व्यक्तित्वगत गालीबाट बच्ने भन्दै मुलुकको समृद्धि, स्थायी शान्ति, युवाको रोजगारी, उद्योग विकास र गुणस्तरीय सेवामा ध्यान दिने बताए ।
त्यस्तै, चितवनमा रोपिएको निलो क्रान्तिको बिउँ उदाहरण दिँदै त्यसलाई कसैले नष्ट नगर्न र जिवित राख्न सन्देश दिएका छन् ।
