काठमाडौं, २१ माघ । प्रधानमन्त्री सुशीला कार्कीले राष्ट्रिय स्वास्थ्य बीमा कार्यक्रममा देखिएका समस्या समाधान गर्न सरकार प्रतिबद्ध रहेको बताएकी छन् ।
बुधबार सिंहदरबारमा सरोकारवाला निकायसँगको छलफलमा उनले आवश्यक परे विभिन्न विकल्पमार्फत आर्थिक स्रोत जुटाइ समस्या समाधान गरिने स्पष्ट पारिन् ।
प्रधानमन्त्री कार्कीले सरकारको अवधि छोटो भएकाले सबै क्षेत्रमा समयमै सुधार गर्न नसकिएको स्वीकार गर्दै स्वास्थ्य बीमा कार्यक्रम प्रभावकारी बनाउन एकद्वार प्रणाली लागू गर्नुपर्नेमा जोड दिइन् ।
साथै, बिना तयारी कार्यक्रम सुरु गर्दा कमजोरी देखिएको उल्लेख गर्दै अर्थमन्त्रीसँग समन्वय गरी स्रोत सुनिश्चित गरिने बताइन् ।
