काठमाडौं, २० माघ । स्वास्थ्य तथा जनसंख्या मन्त्रालयले निपाह भाइरसको जोखिमप्रति सतर्क रहे पनि आतंकित हुन आवश्यक नभएको स्पष्ट पारेको छ ।
विश्व स्वास्थ्य संगठनले जोखिम न्यून आँकलन गरे पनि छिमेकी मुलुकमा देखिएका घटनालाई ध्यानमा राख्दै पूर्वतयारीका सबै कदम चालिएको मन्त्रालयले जनाएको छ ।
मन्त्रालयले फलफूल राम्ररी पखालेर खाने, खाना राम्रोसँग पकाउने, हात धुने, मास्क प्रयोग गर्ने र शंकास्पद लक्षण देखिएमा नजिकको स्वास्थ्य संस्था वा १११५ मा सम्पर्क गर्न आग्रह गरेको छ ।
हालसम्म नेपालमा निपाह भाइरसको संक्रमण पुष्टि नभएको र स्वास्थ्य निकाय पूर्ण तयारी अवस्थामा रहेको मन्त्रालयले जनाएको छ ।
