काठमाडौं, १८ पुस । विज्ञापन बोर्डले ‘राष्ट्रिय स्तर’ को हैसियत दाबी गर्दै सरकारी बोलपत्र सूचना छापेको आरोपमा लुम्बिनी प्रदेशका दुई दैनिक पत्रिकामाथि कारबाही गरेको छ ।
कपिलवस्तुको बुद्ध दर्पण प्रदेशस्तरमा वर्गीकृत पत्रिका भए पनि राष्ट्रिय दाबी गरेर टेन्डर सूचना छापेको ठहर गरिएको छ भने गौतमबुद्ध सन्देश वर्गीकरणमै सूचीकृत नरहेको पाइएको छ ।
सार्वजनिक खरिद ऐनविपरीत सूचना प्रकाशन गरेको निष्कर्षसहित गौतमबुद्ध सन्देशलाई ३० दिन विज्ञापन निषेध र बुद्ध दर्पणलाई २०८३ असार मसान्तसम्म लोक कल्याणकारी विज्ञापन तथा नवीकरण रोक्का गरिएको छ ।
