जनकपुर, १६ पुस । जनकपुर उपमहानगरपालिका–०९ रामानन्द चौकमा अवस्थित सारा बचत तथा ऋण सहकारी संस्थाको २४औँ वार्षिक साधारणसभा सम्पन्न भएको छ ।
साधारणसभाले मनोज कुमार महतोको अध्यक्षतामा आगामी चार वर्षका लागि नयाँ सञ्चालक समिति चयन गरेको छ । साथै, राम विलास साहको संयोजकत्वमा लेखा सुपरिवेक्षण समिति पनि गठन गरिएको छ ।
नवनिर्वाचित सञ्चालक समितिको उपाध्यक्षमा नबिन कुमार साह तेली, सचिवमा रबि शंकर बिच्छा र कोषाध्यक्षमा देव शरण साह चयन भएका छन् ।
त्यस्तै, सञ्चालक समिति सदस्यहरूमा राम हृदय साह, उषा मिश्र र शिला देवी यादव चयन भएका छन् । लेखा सुपरिवेक्षण समितिका सदस्यहरूमा टिना सिंह र अंकेश्वर यादव चयन भएका छन् ।
साधारणसभामा संस्थाको वार्षिक प्रगति प्रतिवेदन, आर्थिक प्रतिवेदन तथा आगामी कार्ययोजनामाथि छलफल गरी विभिन्न प्रस्ताव सर्वसम्मत रूपमा पारित गरिएको थियो ।
संस्थाका अध्यक्ष राधा प्रसाद यादवको अध्यक्षतामा सम्पन्न साधारणसभाको उद्घाटन संस्थाका संस्थापक सदस्य तथा पूर्व अध्यक्षहरू चन्द्रेश्वर प्रसाद रौनियार र राम बदल शाहले संयुक्त रूपमा गरेका थिए ।
कार्यक्रममा सहकारीको सुदृढीकरण, पारदर्शिता र सदस्यहितलाई प्राथमिकतामा राखेर अघि बढ्ने प्रतिबद्धता व्यक्त गरिएको थियो ।
