काठमाडौं, १९ फागुन । प्रतिनिधि सभा निर्वाचनको दिन चलाउन छुट पाएका सवारी साधनले सम्बन्धित व्यक्तिबाहेक अन्यलाई बोक्न नपाइने भएको छ ।
निर्वाचन आयोगले जारी गरेको विज्ञप्तिअनुसार नियम उल्लंघन गरी अन्य व्यक्ति ओसारपसार गरेमा स्थानीय प्रशासनले सवारी सञ्चालन तत्काल रोक्ने छ ।
आयोगका प्रवक्ता नारायणप्रसाद भट्टराईले अत्यावश्यक सेवाका सवारीलाई पास नचाहिने भए पनि सवारीमा चढ्ने व्यक्ति सीमित रहने स्पष्ट पारेका छन् ।
निर्वाचनका दिन दमकल, एम्बुलेन्स, शववाहन खानेपानी ट्यांकर, दूध–फलफूल–तरकारी–माछा–मासु, पेट्रोलियम पदार्थ ढुवानी गर्ने सवारी, दूरसञ्चार÷खानेपानी÷विद्युत÷ढल मर्मतका सवारी, अस्पतालका चिकित्सक–स्वास्थ्यकर्मी, गर्भवती÷सुत्केरी महिला, अशक्त वा अपांगता भएका व्यक्ति (एक सहयोगीसहित), कूटनीतिक नियोग (सीडी प्लेट), पर्यवेक्षक, मानव अधिकार अनुगमन र प्रेस पास भएका सञ्चारकर्मीका सवारीलाई पास नचाहिने व्यवस्था छ ।
यसैगरी, नेपाल नागरिक उड्डयन प्राधिकरणको निषेधित क्षेत्र प्रवेश पासधारीले पनि घर–कार्यालय आवतजावतमा पास लिनु नपर्नेछ । 
