काठमाडौं, १५ पुस । पूर्वराष्ट्रपति डा. रामवरण यादव र पूर्वराष्ट्रपति विद्यादेवी भण्डारीबीच भेटवार्ता भएको छ ।
दुवै पूर्वराष्ट्रपतिबीच राजधानीमा सौहार्दपूर्ण भेट भएको हो । निकटस्थ स्रोतका अनुसार उक्त भेट किरण यादवको निवासमा सम्पन्न भएको हो ।
भेटवार्ताका क्रममा उहाँहरूबीच पारिवारिक विषयका साथै मुलुकको वर्तमान राजनीतिक अवस्था, समसामयिक घटनाक्रम र समग्र राष्ट्रिय परिस्थितिबारे छलफल भएको बताइएको छ ।
पूर्वराष्ट्रपतिद्वयले विगतका राजनीतिक अनुभव, लोकतान्त्रिक अभ्यास र मुलुकको भविष्यका सम्भावनाबारे समेत धारणा आदान–प्रदान गरेको स्रोतको दाबी छ ।
यद्यपि भेट औपचारिक नभए पनि पछिल्लो राजनीतिक परिवेशका सन्दर्भमा यसलाई चासोका साथ हेरिएको छ ।
