जनकपुर, १२ पुस । १४ वर्षदेखि अलपत्र रहेको हुलाकी राजमार्गअन्तर्गत कमला नदीको पुल निर्माण कार्य हाल तीव्र रूपमा अघि बढाइएको छ ।
ऊर्जा, जलस्रोत तथा सिँचाइ मन्त्री कुलमान घिसिङको कडा निर्देशन र चेतावनीपछि निर्माण व्यवसायीले आगामी चैतभित्रै पुल पूरा गरी सवारी सञ्चालन गर्ने लक्ष्यसहित काम थालेका हुन् ।
पुलको क्षतिग्रस्त जग मजबुत बनाउने, स्लाव लिफ्टिङ तथा प्लेट गडर जडानको तयारी भइरहेको छ । अस्थायी आवतजावतका लागि ह्युम पाइप राख्ने काम पनि सुरु भएको छ ।
पुल नबन्दा स्थानीयले लामो समयदेखि सास्ती भोग्दै आएका छन् ।
