काठमाडौं, ११ पोष । वर्तमान सरकारमा नेपाली सेनाका पूर्वरथी बालानन्द शर्मा आज (शुक्रबाररराष्ट्रमन्त्री बन्दै छन् ।
आज दिउँसो २:३० बजे उनलाई मन्त्री पदको शपथ खुवाउने कार्यक्रम रहेको एक अधिकारीले बताए ।
माओवादी शान्ति प्रक्रियामा आएपछि सेना समायोजन गर्ने विशेष समिति सचिवालयका संयोजक बनेका शर्मा ओली सरकारका बेला कोभिड–१९ संकट व्यवस्थापन केन्द्र (सीसीएमसी) का प्रमुख पनि बनेका थिए ।
साथै पूर्वरथी शर्मा नेपालमा स्थापनाको चरणमा रहेको राष्ट्रिय प्रतिरक्षा विश्वविद्यालय (नेसनल डिफेन्स युनिभर्सिटी) का प्रमुख समेत बनेका थिए ।
शर्माको नियुक्तिसँगै प्रधानमन्त्री सुशीला कार्कीको मन्त्रिपरिषद् अब १५ सदस्यीय बन्नेछ । अझै रक्षा र खानेपानी मन्त्रालय प्रधानमन्त्री कार्कीकै जिम्मेवारीमा छन् ।
