काठमाडौं, २ कात्तिक । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले जेनजी आन्दोलनपछिको अस्थिर राजनीतिक परिवेशमा अन्तरिम सरकारकी प्रधानमन्त्री सुशीला कार्कीले शपथ नलिँदासम्म आफ्नो मोबाइल फोन नेपाली सेनाको नियन्त्रणमा रहेको खुलासा गरेका छन् ।
ओलीले उक्त समयलाई सम्झिँदै भने, “म नेपाली सेनाको सुरक्षामा थिएँ । त्यो बीचमा, प्रधानमन्त्रीको शपथ ग्रहण नहुँदासम्म मेरो मोबाइल सिज गरिएको थियो ।
मैले मोबाइल चलाउन पाएको थिइनँ । उनका अनुसार, संवेदनशील राजनीतिक अवस्थामा रहेकाले सुरक्षाका दृष्टिले यस्तो व्यवस्था गरिएको हुनसक्छ ।
ओलीले आफू सधैं लोकतन्त्रप्रति प्रतिबद्ध रहेको समेत दोहो¥याए । उनले भने, “म लोकतन्त्र, लोकतान्त्रिक प्रणाली र त्यसप्रतिको विश्वासमा अडिग छु ।
यो भनाइसँगै ओलीले राजनीतिक संक्रमणकालीन समयको संवेदनशीलता र उस समयमा उच्च सुरक्षा सतर्कता अपनाइएको संकेत गरेका छन् । तर उनले मोबाइल जफत गर्ने निर्णय कसको थियो भन्नेबारे भने स्पष्ट खुलासा गरेका छैनन् ।
