जनकपुर, १४ भदौ । धनुषाको धनुषाधाम नगरपालिका–५ नौसय बिघामा शनिबार आयोजित एक विशेष कार्यक्रममा “तत्मा बौद्धिक समाज“को वडा समिति गठन गरिएको छ ।
तत्मा समुदायभित्र सामाजिक, सांस्कृतिक र बौद्धिक चेतना प्रवद्र्धन गर्ने उद्देश्यले गठित उक्त समितिको उद्घाटन समारोहमा प्रमुख अतिथि समाजसेवी देब सागर दासले मन्तव्य प्रस्तुत गरे ।
कार्यक्रमको अध्यक्षता स्वजातियका सरदार श्रीनारायण दासले गरेका थिए, र यसका केन्द्रीय अध्यक्ष ई. रामबाबु दासको रोहबरमा कार्यक्रम सम्पन्न भएको थियो । समारोहमा समाजका विभिन्न सदस्यहरू र स्थानीय समुदायका मानिसहरूको सहभागिता रहेको थियो ।
देब सागर दासले मन्तव्यमा भने, “तत्मा समाजलाई अझ उच्च स्तरमा पु¥याउन र यसको सांस्कृतिक र सामाजिक दायित्वलाई अझ प्रभावकारी बनाउन हामी सबै मिलेर काम गर्नुपर्ने आवश्यकता छ ।
“ उनले थपे, “यस क्षेत्रमा समाजका सदस्यहरूले शिक्षा र संस्कृतिको प्रवद्र्धन गर्नका लागि बौद्धिक समाजको यो पहल एक ऐतिहासिक कदम हो ।“ समिति गठनमा विभिन्न सदस्यहरूको नियुक्ति गरिएको छ, जसमा अध्यक्ष सुर्य नारायण दास, उपाध्यक्ष ब्रह्मदेब दास, सचिव संतोष कुमार दास, सह–सचिव इनर दास, र कोषाध्यक्ष राम उदगार दास प्रमुख स्थानमा छन् । 
साथै, सदस्यहरूमा राम बचन दास र फेकन दास पनि नियुक्त भएका छन् । समितिको सल्लाहकारको रूपमा श्री नारायण दास, जनका दास र मोहित दासको नाम सिफारिस गरिएको छ ।
समारोहमा समाजका अन्य सदस्यहरू पनि उपस्थित थिए, जसमा सचिव विनोद दास, कोषाध्यक्ष रामवृक्ष दास, सदस्य सरोज दास, संतोष कुमार दास, राजेश कुमार दास, निर्गुन कुमार दास, कुलदिप दास र प्रेम लगायतका प्रमुख व्यक्तिहरू थिए ।
नवगठित समितिको लक्ष्य भनेको तत्मा समुदायको सामाजिक, सांस्कृतिक र बौद्धिक विकासमा सकारात्मक योगदान पुर्याउनु हो । यसका लागि समिति विभिन्न कार्यक्रम र गतिविधिहरू आयोजना गर्दै जानेछ ।
यस कार्यक्रमको सफलतासँगै, स्थानीयवासीहरूका बीच समुदायको चेतना र समृद्धिमा थप सुधार ल्याउने केन्द्रीय अध्यक्ष दासले बताएका छन । 
