महोत्तरी, १६ कात्तिक । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले मधेश प्रदेशमा सरकार गठन र स्थायित्वका विषयमा राजनीतिक दलहरूबीच निरन्तर छलफल भइरहेको बताएका छन्।
राष्ट्रिय जागरण अभियानअन्तर्गत मधेश प्रदेशस्तरीय अभिमुखीकरण कार्यक्रममा सहभागी हुन बर्दिबास पुगेका प्रचण्डले सञ्चारकर्मीसँग कुरा गर्दै सरकार गठनका विभिन्न विकल्पमा छलफल भइरहेको र चाँडै निष्कर्षमा पुग्ने विश्वास व्यक्त गरे।
उनले लोकतान्त्रिक गणतन्त्रका पक्षधर दलहरूबीच सहकार्य, समन्वय र सम्बन्ध मजबुत बनाउन आफ्नो पार्टीले राष्ट्रिय जागरण अभियान सञ्चालन गरेको बताए।
उनका अनुसार अभियान पार्टीको संगठन सुदृढीकरणमा केन्द्रित रहे पनि अन्य लोकतान्त्रिक शक्तिसँगको सम्बन्ध विस्तारमा समेत सहयोग पुग्नेछ।
